Gure bigarren topaketarekin jarraituko dugu. Primeran!

Aurtengo urriaren 27an, lehendabiziko E-kin topaketa egin genuen; elkar ezagutu, berriz elkar ezagutu eta elkar entzuteaz gain, lehen puntadak eman genituen ehuntzen ari garen eta komunitate bihurtu nahi dugun sarea osatzen joateko. 

Proiektu hau ezagutzen ez baduzu, ez zaitez kezkatu; bigarren topaketara etortzeko aukera duzu. Gainera, proiektua zertan datzan laburbildu ahal dizugu: E-kin, Diseinua Sororitatearekin, Mundo Ivaginario-k (Zirikatuz Feminista Taldea) eta Wikitokik sustatutako proiektua da, Euskal Herriko diseinu eta arkitekturarekin lotutako emakumeen komunitate bat sortzeko. Helburua laguntza- eta zainketa-sareak ehuntzea da, arkitektura, hirigintza eta diseinuaren sektorea berdintasunezkoago eta feministago bihurtzeko.

Topaketa horiek zainketarako tokiak eta momentuak izan nahi dute, sostengurako leku osasuntsu, seguru, sororo eta atsegingarriak. Parte-hartzea errazteko, zainketetarako gune bat ere egongo da. Hausnarketa kolektiborako lekua izango da, diseinu eta arkitektura feminista praktika eta emaitza “gauzatu” gisa denari buruz hausnartzeko. Nola bereiz genezake zer den diseinu/arkitektura feminista eta zer ez?

Lehen topaketa BBK Kuna gunean egin genuen. Oraingoan, hitzordua Bilboko San Frantzisko auzoko Wikitokin izango da. Bertaratutako guztion artean esperientziak eta proiektuak partekatuko ditugu. 

Aurrera jarraituko dugu aintzatespen kolektiboko prozesuarekin eta diseinu feministarekin; geruzak gehituko dizkiogu orain arte egindakoari, eta lotura, kontaketa eta proposamen berriak izango dira. Horretan oinarrituta, komunitatea eraikitzeko dauden aukerak, erronkak eta eman beharreko hurrengo urratsak zehaztuko ditugu.

Sarrera atsegina eta doakoa da, eta kupoak mugatuta daude. Beraz, eman izena ahal bezain azkarren!